Pasi kryetari i PD-së e konsideroi veten si një Iphone dhe kryeministrin Edi Rama si një telefon Nokia i dikurshëm, Rama e ka ironizuar sërish me një video me 2 bufa, ku shkruan jerm.
“E mbani mend Nokia tre dekada më parë ishte në krye të teknologjisë, por Apple nxori Iphone-n e parë, shumë më lart, shumë herë mbi Nokia. Nokia tentoi ta kopjoi Apple, por dështoi. Apple nuk ia përmendi kurrë kopjen Nokias, por vazhdoi të përmirësojë e të përmirëojë Iphone-n e saj”, dëgjohet në videon e publikuar një fragment i shkëputur nga fjala e Berishës në Sheshin Nënë Tereza më 12 prill.
Po ashtu Berisha e cilësoi kryeministrin më të moshuar se gjyshi i Gramoz Ruçit.
“Miq, përsa i përket moshës ju garantoj se ai ngjet jo me Gramozin, por me gjyshin e Gramoz Ruçit. Ndaj edhe, nuk e di ti, se vjedh gjithë ditën, por forca e një burri matet me dashurinë dhe pasionin që ka ai për të ndihmuar shoqërinë, kombin, vendin e tij. Nuk jam kthyer unë për pushtet. Unë kam qenë në pushtet dhe kam lënë ato që ti kurrë nuk i shuan dot", tha ndër të tjera Berisha.
Komente
