TIRANË- Ish-kryeministri Sali Berisha, i cili publikisht është shprehur se administrata e re e Donald Trump do të mund t’a heqë atë nga lista e zezë e non grata-s, thotë se ende nuk ka filluar lobimin për këtë çështje në Departamentin Amerikan të Shtetit.
Madje vetë Berisha e pranon, se nuk është përparësi e Trump ky problem, por thekson se do t'i shkruajë sapo të plotësohet administrata e re.
“Jo, unë nuk e kam filluar lobimin sepse janë gjithsej 14 ditë që ka filluar administrata e re. Dhe unë nuk besoj që në ditët më të para të saj, të jetë përparësi ky problem. Kështu që unë jam i vetëdijshëm se duhet të plotësohet administrata, d.m.th është një proces konfirmimesh që duhet të kalojë në Kongres. Dhe procesi i konfirmimeve të zyrtarëve nuk është vetëm për sekretarët e shtetit, por edhe për persona nën rangun e tyre”, tha Berisha.
Në akuza u ndal sërish për George Soros, për të cilin thotë se punoi që ta shpallte non grata.
“Unë pres që të plotësohet administrata e re dhe pa asnjë diskutim do i drejtohem administratës së re. I vetmi shkak që nuk i jam drejtuar është kjo. Dhe jam besimplotë sepse është kuptuar universalisht që ai ishte një akt politik i George Sorosit dhe se Sekretari i Shtetit e ka bërë atë pa respektuar asnjë ligj të vendit të vet, pa asnjë dokument në dosje, thjesht me lobimin korruptiv të Geroge Sorosit”, vijoi Berisha.
Komente
ky kujton se po tha trump qe i hiqet u zgjidh. ti ke mare non-graten shqiptare qe ne pushtet a pension a dhe aty nen dhe kur te jesh nuk ta heq dot njeri. a se po na behet vone se cthite trump qe i bie legenit si te zgjohet.
PërgjigjuSipas Berishes,qenka problemi atje, por ambasada e SH.B.A. a mund ta takoj?
Përgjigju