Përveç premtimeve që mund t’i kishte realizuar në kohën kur ishte kryeministër, në këtë fushatë zgjedhore Berisha po paralajmëron në mënyrë indirekte qyetetarët që nëse rizgjidhet në krye të ekzekutivit, korrupsioni do të lulëzojë sërish.
Këtë të enjte (3 prill 2025) Berisha u zotua se do të mbyllë platformën ‘e-albania’, e cila përdoret masivisht nga qytetarët në ndërveprimin e tyre online me institucionet shtetërore, për të tërhequr dokumentat që u nevojiten apo ndjekur procedura të ndryshme.
Kreu i PD-së tha se nëse shqiptarët do i besojnë drejtimin e vendit më 11 maj, ai do të rihapë zyrat fizike në institucionet shtetëore, ku qytetarët të shkojnë për shërbimet që u nevojiten.
Por kjo jo vetëm që do të sillte sërish kaos në ambientet e institucioneve shtetërore, me radhë e orë të gjata për të marrë një shërbim, por do të rikthente edhe korrupsionin, me qytetarë që detyrohen të japin para për të marrë një dokument.
“Sot kanë hequr qindra punonjës që kanë qenë në zyra për të informuar, për të orientuar qytetarët, gjoja me e-albania. E-Albania është bërë si telefon i prishur, një telefon që nuk bie kurrë. Bjeri sa të duash, kliko aty, por ajo të plas shpirtin dhe nuk të jep shërbimin. Ne do të rikthejmë zyrat e informacionit, zyrat e takimit me qytetarët, zyrat e informacionit në mënyrë që qytetarët të marrin shërbimit dhe informacionet që duan. Ky i zhduku këto dhe preu cdo lidhje me qytetarin. Klikimi në e-albania të do shumë kohë, ose nuk përgjigjet fare. E-albania do të modernizohet, por pavarësisht kësaj ne do të hapim zyrat e pritjes për qytetarët”, tha Berisha.
47 milionë kontakte online përmes e-Albania-s mes qytetarëve dhe institucioneve shqiptare kanë shmangur kontaktin e drejtpërdrejtë dhe rrjedhimisht korrupsionin që vjen nga ky ndërveprim.
Gjithashtu, nga ofrimi i shërbimeve përmes platformës e-Albania i janë kursyer shqiptarëve 620 milionë euro në total.
Komente
O Sali O trim që Shqipërinë do t'a kthesh në Epokën Gurore, SPAK po fle gjumë! Ti me vrasje e me vjedhje edhe kërkon vota! Urime për Fitoren tënde të ardhshme!!!
PërgjigjuVetem per shkaterrime e ka mendjen. Keqardhje per kedo qe voton kete dhe kedo rreth tij.
Përgjigju