Kreu i PD, Sali Berisha vazhdoi akuzat edhe ndaj kreut të SPAK Altin Dumani, duke e akuzuar se qëndron pas vonesës së operacionit Ura, për të bërë të mundur largimin e anëtarëve të bandës së Troplinëve.
“Altin Dumani dhe Edi Rama nuk donin që të arrestoheshin bosët e kartelit se punonin ditë e natë për vota në Durrës. I kemi denoncuar me dhjetëra herë, edhe darkat e tyre në Kodrën e kuajve dhe drekat në shtëpinë e Vangjushit. Dumani në qiell e tokë të hipë e zbresë do të quhet Troplin. Ai është gjë tmerrësisht e rëndë. Njëlloj si Hajri, kush e kishte. Flitet për një shumë të madhe, personalisht për Dumanin e Hajrin, dhe Altin Hajri që këta thonë se është në kërkim, merr leje ndërtimi para një viti me firmën e Edi Ramës.
Ai bërë fushatë aktive, kërcënoi deputeten tonë. Ndaj edhe mediat, i ftoj të bëjnë një rishëqyrtim të qëndrimeve ndaj narkoshtetit, jo ju të kronikave rrezikoni në një farë mënyre. Ka të tjerë doktrinarë....ka banalistë, mercenarë, që duan, paguhen dhe ushqehen nga narkoshteti dhe duan të mohojnë ekzistencën e narkoshtetit. Shqipëria është narkoshtet i mirëfilltë i cilësuar nga mediat më serioze, nga analistë e dokumentarë, institucione defakto del në pah fytyra e shëmtuar e narkoshtetit. “, tha Berisha.
Lajmi kryesor:
Kallëzimi i Gjokës për fyerje, Berisha pyetet në SPAK dhe egërson sulmin ndaj gjyqtares: Mashtruese ordinere, duhej të ishte në burg
Xh.D/r.k./ReportTv.al