TIRANE-Këshilli Kombëtar i Territorit miratoi pasditen e së martës vendimin për zgjerimin e Parkut Kombëtar të Tomorrit, pasi gjykata rrëzoi vendimin e 2018 të qeverisë. Sipërfaqja e Parkut Kombëtar të Tomorrit ishte rreth 24 mijë e 800 ha dhe u zgjerua me rreth 1.400 ha duke shkuar mbi 26 mijë ha. Pak përpara nisjes së mbledhjes së Këshillit Kombëtar të Territorit, ministri Klosi u shpreh se me vendimin e KKT i jepet fund shfrytëzimit. Ai tha se beteja vijon dhe se 10 guroret që kundërshtojnë vendimin do të kalojnë në filtër për aktivitetin e tyre.
"Jemi para vendimit të Këshillit Kombëtar të rregullimit të Territorit, në fakt për të korrigjuar një gabim që do të thoja ka plot gjëra korruptive në të. Vendimi i Sali Berishës në 2012 kur ka shpallur zonë të mbrojtur malin e Tomorrit ka përjashtuar në mënyrë abuzive këtë zonë, e cila më pastaj u krijua si gangrenë, për të gjithë zonën e mbrojtur të malit të Tomorrit, ku na kërkohet tashmë të rikuperojmë një gabim që në qoftë se 7 vite më parë do ishte bërë në mënyrë të ndershme nga specialistë apo nga politika e asaj kohe, sot do të kishim një zonë të mbrojtur, një mal me vlera të mëdha ekonomike, në qoftëse gurorët nuk do të funksionojnë.
Vendimi i 2018 u rrëzua me një vendim absurd nga gjykata që kërkoi që procedura të vinte edhe në KKT. Mali i Tomorrit duhet mbrojtur. Kjo katrahurë nuk duhet të vijojë. Mbrojtje do të ketë edhe për basenin ujor të Bogovës, që rrezikon cilësinë e ujit për Beratin dhe Skraparin. Shumë shpejt do të kalojnë në skaner guroret për aktivitetin e tyre, do të kërkojmë të kthejmë në vend padrejtësinë historike që i është bërë këtij komuniteti dhe mali" tha Klosi. Qeveria është e vendosur për t'i dhënë fund shfrytëzimit pa asnjë kriter të pasurisë natyrore të Malit "të shenjtë", Tomorrit.
Por pse u miratua vendimi nga KKT-ja sot? Qeveria vendosi në 2018 që ta kthente në park kombëtar të gjithë Malin e Tomorrit i cili prej disa dekadash po gërmohej për të nxjerrë pllaka guri. Por Gjykata e Apelit Administrativ vendosi më 17 korrik që të shfuqizojë vendimin e qeverisë për ndalimin e shkatërrimit të Malit të Tomorrit nga kompanitë që nxjerrin pllaka guri.
Gjykata e quajti të paligjshëm vendimin e qeverisë dhe kërkoi që kompanitë që shkatërruan malin e Tomorrit të rikthehen në punë duke sjellë përplasjen me policinë, ndërsa është e vendosur për të mos lejuar shkatërrimin e malit dhe vendimin sot e kaloi në Këshillin Kombëtar i Territorit.
Komente
Kur do zgjoheni nga gjumi qe te vini dore mbi furrat e gelqeres ne Ure Vajgurore??!!! Tymi perqell dhe kamionet e rende kalojne ne mes te lagjes por qeveria dhe bashkia nuk ja prishin boseve te minierave po behen bashkepunetor ne masakren mjedisore!
PërgjigjuShko merru me anen proceduriale dhe licencimet e guroreve. Se prokurori nuk eshte budalla te hedhe ne ere karrieren e vet per dy gurore, por me siguri ka dicka joligjore ne veprimin e Qeverise. Guroret aty duhen mbyllur, por nese nuk i mbyllni ligjerisht sakte (qe te mos paguani demshperblim pastaj) atehere i bie qe jeni te paafte.
PërgjigjuMBYLLI GURORET O BLENDO,,,mali tomorrit eshte nje male shume I bukur,,,eshte shume imponues,NUK MUND TE LEJOHEN KAFSHET TE SHKATERROJNE KETE MAL TE SHENJTE,,,,vetem ME TURIZEM BERATI JETON SI MBRET,,,..//
PërgjigjuPara se t'i mbylle, t'i detyroje ta kthejne peizazhin sic ka qene (aq sa eshte e mundur).
"Tomorri": Mafia Ilir Meta, Lefter Koka