Ishte një nga kandidatët më të fortë të Biden, në fushatën demokrate për t’u zgjedhur si kandidati demokrat për Shtëpinë e Bardhë, prandaj Presidenti i zgjedhur Joe Biden, ka zgjedhur ta mbajë atë pranë. Mbrëmjen e djeshme Biden emëroi ish-kandidatin demokrat për president, Pete Buttigieg, si sekretar të Transportit.
Buttigieg është ish-rivali i parë i Bidenit që emërohet në një post të lartë në kabinet dhe është sekretari i parë që deklarohet hapur se është homoseksual.
Buttigieg, 38 vjeç, është veteran i Marinës amerikane, që ka shërbyer si oficer rezervist i inteligjencës në Afganistan, në vitin 2014.
Emërimi i tij për sekretar të Transportit u vlerësua nga grupet për të drejtat e homoseksualëve.
Fushata e të Drejtave të Njeriut tha se Buttigieg “ka qenë i hapur dhe i sinqertë” për identitetin e tij dhe se i ka dhënë zë komunitetit.
Komente
![](https://www.report-tv.al/template/img/antipiracynote.jpg)
Lajm i mire.
Përgjigju