EMPOLI- Një 27- vjeçar shqiptar i quajtur Nertil Bushi është ndarë nga jeta tragjikisht në Itali. Ngjarja e rëndë ka ndodhur ditën e djeshme teksa Bushi ishte duke punuar si çdo ditë, por rënia nga çatia i kushtoi jetën.
Lartësia e çatisë ishte 10 metra dhe rënia ka qenë fatale për 27-vjeçarin. I riu shqiptar jetonte me xhaxhanë e tij në provincën e Bibbiena, Empoli dhe po punonte pikërisht me të në momentin kur rrëshqiti nga çatia.
Sipas mediave italiane i riu është dërguar me urgjencë në spital po nuk ka mundur të mbijetojë. 27-vjeçari kishte disa ditë që po punonte për rikonstruksionin e çatisë. Gjithashtu mediat italiane raportojnë se pasi ndodhi ngjarja tragjike, në çati shpërtheu një zjarr, flakët e së cilës u shuan nga zjarrfikësit.
Ndërkohë karabinierët e Empolit kanë nisur hetimet lidhur me tragjedinë.
Komente
