DIBËR - Një 27-vjeçar humbi jetën pasi parashuta me të cilën ai ishte ngritur në fluturim, ka pësuar defekt dhe ka rënë. Ngjarja është shënuar në majën e malit të Zimurit në zonën e Rekës. Mësohet se viktimë mbeti Gëzim Elezi, 27 vjeç. Detaje të tjera pritet të mësohen nga kjo ngjarje e rëndë.
Sot i riu është hedhur rreth orës 16:00 nga fshati Zimur në një lartësi mbi 1800 metra dhe pasi ka bërë rreth 10 minuta fluturim dyshohet se ka hyrë në një zonë me turbulencë ere e cila i ka ngatërruar velën duke rënë në gjendje të lirë nga një lartësi e konsiderueshme. Ngjarja është parë nga kolegu i tij i cili është nisur i dyti , por edhe pse është dërguar në spital ka humbur jetën.
27-vjecari ishte mësues i lëndës së Matematikës në një shkollë profesionale në Dibër. Fluturimet me parashutë ishin pasion i 27-vjeçarit. Në profilin e tij në Facebook ai postonte shpesh video dhe foto nga hedhjet që hedhjet që bënte.
Komente
