KRUJË- Një 28 vjeçar ka ndërruar jetë pasi ra nga skela teksa po punonte pa leje në banesën e 46 vjeçarit Lulzim Koni. Fatkeqësisht 28 vjeçari Erlind Gazheli është dërguar me urgjencë tek Spitali i Traumës, por nuk u ka mbijetuar plagëve të marra.
Policia ka arrestuar pronarin e banesës, Lulzim Konin dhe ka shpallur në kërkim administratorin e firmës ndërtuese 39 vjeçarin me iniciale R. H.
Pronari i shtëpisë në Krastë të Krujës ishte dënuar më parë për veprën penale "Ndërtim pa leje". Materialet i kaluan Prokurorisë së Rrethit Krujë për veprime të mëtejshme.
Erlind Gazheli është 28 vjeçari i cili humbi jetën teksa po punonte në banesën e Lulzim Konit. Ky i fundit po bënte punime pa leje në shtëpinë e tij.
Report Tv, ka siguruar foton e punëtorit Erlind Gazheli, i cili u rrëzua nga skela dhe humbi jetën.
Komente
Ngushellime familjes dhe te afermve. Punetoret e ndertimit nuk u kushtojne rendesi rreziqeve dhe sigurise ne pune duke refuzuar te lidhen apo te mbajne pajisje qe u shpeton koken ne raste te tilla.
Përgjigju