Biftek gici me patate në furrë nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

22 Janar 2021, 10:35| Përditesimi: 22 Janar 2021, 10:37

  • Share

Biftek gici me patate në furrë

Përbërësit:

500 gr biftek gici

kripë dhe piper të zi

1 lugë gjelle mustardë

1 qepë e kuqe ( mesatare)

1 kg patate ( të prerë në feta si portokall)

kripë, piper rozmarinë ( 1 lugë kafe)

200 gr djath pice

200 gr krem pana

1 lugë gjelle vaj ulliri

Përgatitja:

Biftekët të prerë I shtypim pak me çekiçi dhe I marinojmë me kripë, piper të zi. Lyejmë tavën me 1 lugë gjelle vaj dhe shtrojmë si bazë në të bifektekët e marinuar duke mbuluar të gjtihë sipërfaqen e tavës. Me ndihmën e një furçe lyejmë të gjithë sipërfaqen e sipërme të biftekëve me 1 lugë gjelle mustardë, pra një shtresë e hollë.

Presim në fije të holla qepën dhe e përhapim mbi gjithë sipërfaqen e mishit të lyer me mustardë. Patatet I qërojmë dhe I presim si feta portokalli dhe  mbulojmë komplet sipërfaqen e tavës, I përkatim ato me pak kripë dhe 1 lugë kafe rozmarinë. Mbulojmë patatet me djath të grirë në rende trashë e në fund shpërndajmë 200 ml pana. Vendosim tavën në furrë në temperaturë 180 gradë Celsius për 60 minuta.

D.M./ReportTv.al
Komento
  • Sondazhi i ditës:

    Takimet jashtë, mendoni se diaspora do marrë pjesë masivisht në votime?