Një biokimiste nga Virxhinia është shpallur Miss Amerika 2019, pasi performoi një eksperiment shkencor live, duke sfiduar stereotipet e garës.
Camille Schrier, la pas 50 konkurenete të tjera duke rrëmbyer kurorën.
E veshur me një përparëse laboratori, 24-vjeçarja mahniti anëtarët e jurisë me një demonstrim kimik.
Përvec kurorës, ajo fitoi edhe një bursë prej 50 mijë dollarësh.
Pas marrjes së titullit, ajo tha se shpresonte që të thyente stereotipet për atë që deri më sot është menduar se është “Miss Amerika”.
Schrier ka dy diploma shkencore dhe tani po ndjek doktoraturën në farmaci në universitetin e Komonuelthit në Virxhinia.
Në rolin e saj si Miss Amerika, ajo duhet të kalojë tani një vit duke promovuar një program për sigurinë e ilaçeve.
Fitorja e saj, po shihet si një hap përpara për formatin tradicional të bukurisë, duke sjellë diçka ndryshe, përtej fizikes në “Miss Amerika”.
Që nga 2018, konkursi është përpjekur të rifreskojë imazhin, duke hequr dorë nga segmenti i rrobave të banjos dhe kriteret e pamjes që duheshin.
Komente
