Ekonomi

Biznesi në qendër të Tiranës fsheh 314 mijë euro, Tatimet i shkojnë për kontroll: U zbuluan edhe punonjës të padeklaruar

Evazioni fiskal është bërë për rreth 1 viti e gjysmë, në periudhën 2024-2025. Rasti u denoncua fillimisht nga qytetarët.

31 Gusht, 13:05| Përditesimi: 31 Gusht, 13:20

  • Share

Një biznes në qendër të Tiranës që nuk kishte përmbushur detyrimet fiskale, është zbuluar nga Drejtoria e Tatimeve falë denoncimit të një qytetari.

Biznesi ndodhet në zonën e Piramidës në kryeqytet, dhe sipas Tatimeve, ka bërë evazion fiskal në vlerën e 314 mijë eurove.

“314,000 € të fshehura u zbuluan nga Administrata Tatimore falë një qytetari që denoncoi subjektin, në qendër të Tiranës, për evazion fiskal! Falenderojmë qytetarët për bashkëpunimin dhe inkurajojmë tatimpaguesit të reflektojnë e të përmbushin detyrimet fiskale, për të shmangur penalitetet e rënda”, njofton Drejtoria e Përgjithshme e Tatimeve.

Evazioni fiskal është bërë për rreth 1 viti e gjysmë, në periudhën 2024-2025.

Nga verifikimet në terren, inspektorët tatimorë zbuluan edhe punonjës të padeklaruar në këtë biznes.

Administrata Tatimore kreu procedurat administrative ndaj këtij biznesi që kishte fshehur 314 mijë euro taksa.

V.GJ /I.M/ReportTv.al
Komento

Komente

  • Mësuese: 31/08/2025 16:08

    Shumë mirë qytetari, bëri një shërbim me vlerë. Po ata që paguhen për këtë punë, ku janë?

    Përgjigju
    • Gaci: 31/08/2025 16:55

      Fjale me mend dhe me vend, znj. " mesuese". Nuk ka shume nevoje per denoncim, thjesht t'i marriin bizneset/dyqanet me radhe e do shikojne se ç'behet.

    • Lala: 31/08/2025 16:45

      ATA rrin me shpresen QE qutetari te mo's denoncoje e te marrin perseri zarfin ne Fund te muajit

  • Sondazhi i ditës:

    Çmendet trafiku, kush e ka përgjegjësinë?