Në ditën e 35-të radhazi të protestave, rreth 10,000 gra marshuan në qendër të Minskut, duke kërkuar dorëheqjen e Presidentit Lukashenko.
Skenat e dhunës dhe arrestimet janë bërë të zakonshme që prej ditë së zgjedhjeve të 9 gushtit, të cilat konsiderohen të manipuluara.
Teksa Svetlana Tikhanovskaya, liderja e opozitës e larguar nga vendi prej represionit të ushtruar nga regjimi, protestuesit kërkuan lirimin e është Maria Kolesnikova, një tjetër anëtare e shquar e opozitës, e arrestuar këtë javë nga policia.
Vala e gjatë e protestave në Bjellorusi nuk tregon shenja të zbutjes, përkundrazi po rritet në numër dhe intensitet.
I rrezikuar gjithashtu edhe nga sanksionet e BE-së dhe SHBA-ve, Aleksandër Lukashenko është i detyruar t'i drejtohet aleatit të tij më të rëndësishëm, Rusisë dhe nesër kreu i Kremlinit Vladimir Putin do ta presë atë në qytetin e Soçi-t, në Detin e Zi.
Me miqësinë e konsoliduar, sipas analistëve, Moska nuk i fsheh qëllimet e saj ekspansioniste, veçanërisht ato ekonomike ndaj Bjellorusisë, por Lukashenko mbetet një çështje që për Moskën duhet zgjidhur.
Teksa zgjodhi me kujdes fjalët, ai pranoi këtë javë se ka qënë i ulur në karrigen e presidentit për shumë kohë, por edhe një herë refuzoi të jepte dorëheqjen, sepse - siç tha ai - " njerëzit nuk e kanë zgjedhur për tja lënë dhe pastaj pushtetin të tjerëve ".
Dhjetëra-mijëra bjellorusë po protestojnë në rrugët e Minskut dhe në qytete të tjera, teksa protestat e opozitës pothuajse kanë hyrë në javën e pestë. Përmes këtyre protestave, ata po i bëjnë presion presidentit Lukashenko që të organizojë zgjedhje të reja.
Protesta e 13 shtatorit po shihet si një sinjal se aktivistët e opozitës, por edhe qytetarët bjellorusë, nuk do të zmbrapsen, pavarësisht arrestimeve, rrahjeve dhe formave të tjera të kërcënimit që po iu bëjnë forcat e sigurisë së Bjellorusisë.
Duke brohoritur “Rroftë Bjellorusi” dhe “Sasha, je i pushuar nga puna”, protestuesit marshuan në një prej bulevardeve kryesore të kryeqytetit bjellorus, Minsk, duke valëvitur flamurin me ngjyrë të kuqe dhe të bardhë.
Kombet e Bashkuara kanë vlerësuar se deri më tani, 6,000 persona janë arrestuar dhe në disa raste janë torturuar nga agjentët e sigurisë.
Në zgjedhjet presidenciale të 9 gushtit, Lukashenko fitoi mandatin e pestë me radhë, por kritikët dhe opozita thanë se rezultati zgjedhor u manipulua.
