Policia e Lezhës ditën e sotme ka kryer disa operacione, nga sekuestirmi i një trualli ku kanë asistuar anëtarë të Byrosë Kombëtare të Hetimit e deri tek arrestimi i 35-vjeçari që ka kundërshtuar forcat e policisë në Malbardhë.
Në bashkëpunim me BKH-në, specialistët e Seksionit për Hetimin e Krimit Ekonomik dhe Financiar ekzekutuan vendimin e Gjykatës së Posaçme për sekuestrimin e një dhe trualli në qytetin e Lezhës.
Pasuria rezultonte në pronësi të 41-vjeçarit E.B banues në Lezhë. Prona është sekuestruar me vendimin e Gjykatës së Shkallës së Parë si pëfitim nga aktivitete kriminale.
Nga ana tjetër në Kurbin policia ka arrestuar një 35 vjeçar, banues në Malbardhë, i cili kundërshtoi me forcë efektivët e policisë gjatë tentativës për ta shoqëruar në komisariat.
Materialet i janë referuar Prokurorisë për veprime të mëtejshme.
Njoftimi i Policisë
Drejtoria Vendore e Policisë Lezhë
Specialistët e Seksionit për Hetimin e Krimit Ekonomik dhe Financiar, në bashkëpunim me BKH-në, kryen ekzekutimin e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, për vendosjen e masës së sigurimit pasuror “Sekuestro Preventive” mbi një pasuri të paluajtshme të llojit ndërtesë-truall, në qytetin e Lezhës, në pronësi të shtetasit E. B., 41 vjeç, banues në Lezhë.
Specialistët e Sektorit të Qarkullimit Rrugor arrestuan në flagrancë shtetasin O. N., 30 vjeç, banues në Tiranë, pasi u kap në aksin rrugor Shëngjin-Lezhë duke drejtuar automjetin në gjendje të dehur.
* Po nga specialistët e Qarkullimit Rrugor u arrestua në flagrancë shtetasi E. M., 18 vjeç, banues në Mamurras, pasi u kap duke drejtuar një automjet tip “Benz”, pa targa dhe pa leje drejtimi.
Specialistët për Hetimin e Krimeve në Komisariatin e Policisë Kurbin referuan materialet në Prokurori për shtetasin A. D., alias F. L., 35 vjeç, banues në Malbardhë, i cili ka kundërshtuar me forcë punonjësit e policisë gjatë tentativës për shoqërimin e tij.
Materialet iu referuan Prokurorisë, për veprime të mëtejshme.
Komente
