37 kandidatët në garë për t’u bërë agjentë të Byrosë Kombëtare të Hetimit do të mbeten në ankth pasi Inspektorati i Kontrollit të Pasurive dhe Drejtoria e Informacionit të klasifikuar s’kanë depozituar përgjigjet në Prokurorinë e Posaçme Anti Korrupsion, SPAK.
Shpallja e listët fituese e nisja nga puna për agjentët e FBI shqiptare ishte planifikuar në fillim shkurt por kjo s’ka ndodhur ende, pasi nuk ka përgjigje nëse justifikojnë pasuritë dhe nëse dikush prej garuesve ka kontakte me botën e krimit.
Aktualisht janë administruar përgjigjet e makinës së të vërtetës ndërsa nga 39 të kualifikuarit për fazën finale, Report Tv mëson se 2 janë skualifikuar nga kjo fazë.
Kujtojmë se me përfundimin e testit të poligrafit (makina e së vërtetës) për agjentët e BKH-së, pritet verifikimi i pasurisë për kandidatët që kanë kaluar. Ata kanë plotësuar formularin e deklarimit të pasurisë.
Kjo procedurë e verifikimit të pasurisë do të marrë kohë, sidomos për ata që në gjendjen civile rezultojnë se aktualisht bashkëjetojnë me një person tjetër. Në këtë rast do të bëhet verifikimi i pasurive për prindërit e kandidatit, prindërit e bashkëjetuesit, i biri ose e bija të ndarë nga prindërit, bashkëjetuesi, motra e vëllezër. Ata duhet të japin të dhëna për llogaritë bankare, pasurive të luajtshme e të paluajtshme. Gjithashtu ata do të japin një autorizim me shkrim për të dhënë pëlqimin që të kalojnë në sitë pasuritë e tyre.
Të përzgjedhurit do të trajnohen për 30-60 ditë në SHBA për të qenë agjentët e parë shqiptarë që do jenë në SPAK.
Komente
Pse kshu, Gent Caka i mori akoma pa bere kerkesen, edhe ktu me hater
Përgjigju