TIRANË - Kushdo që abuzon me çmimet në këto ditë të vështira që Shqipëria po kalon nga situata e COVID-19, do t'i bllokohet aktiviteti dhe do të vihet në hetim. Drejtoria e Hetimit Tatimor dhe policia kanë bërë kontrolle të befasishme në terren, ku në Tiranë janë vënë në hetim 4 administratorë të pikave të shumicës në tregun agro-ushqimor në Kashar, Tiranë, nëpërmjet përpilimit të faturave fiktive. Personat në hetim janë: K. Y., 43 vjeçe, M. S., 26 vjeç, I. B., 32 vjeç dhe A. XH., 44 vjeç, të cilët dyshohen se kanë përpiluar fatura tatimore me shitje fiktive të çmimit të produkteve që i tregtojnë pikave të pakicës, duke abuzuar dhe përfituar me çmimet e tyre, si dhe kanë ushtruar aktivitetin e tyre tregtar, duke mos e pasqyruar me dokumentacionin përkatës.
Pas hetimit me metoda speciale, nëpërmjet ndjekjes së linjës të tregtimit të fruta-perimeve (kryesisht të produkteve mollë, portokalle, limonë), u ushtrua kontrollet përkatëse, bazuar në deklaratat e disa subjekteve (tregtar të pikave të pakicës). Ata do të hetohen nga Prokuroria e Tiranës, për veprat penale “Fshehja e te ardhurave”, “Mospagim i taksave dhe tatimeve” dhe “Manipulim i tregut”.
Komente
MBYTINI NE GJOBA QENTE....
PërgjigjuKJO HERA E PARE QE SHTETI ASHT VU NE LEVIZJE ME DERGIMIN E ADMINISTRATOREVE NE PROKURORI,SE RRITJE CMIMESH TE FRUTA PERIMEVE NA KANE BA PER CDO FESTE SHUMICE-PAKICE.MA MIRE VONE SE KURRE,TE KENE ME I HY EDHE KARBURANTEVE ME KENE.
PërgjigjuBurgun e kan pak.. te abuzosh keto dite eshte krim
Përgjigju