SHKODËR- I cilësuar bosi rus i krimit, Igor Kokunov u paraqit në gjykatën e Shkodrës nën masa të rrepta sigurie. Seanca për ekstradimin e tij zgjati 3 orë dhe në përfundim gjykata nuk doli me një vendim, pasi Kokunov kërkon azil në Shqipëri.
Avokati Isuf Shehu deklaroi se shkresa për ekstradim është firmosur nga zëvendës prokurori i përgjithshëm i Rusisë dhe jo nga prokurori apo ministrisë i drejtësisë rus dhe kjo bie ndesh me te konventën ndërkombëtare.
Seanca e radhës pritet të mbahet më 7 nëntor në gjykatën e shkallës së parë të Shkodrës, ndërsa i shumëkërkuari rus u shoqërua nga dhjetëra forca policie në burgun e Reçit, ku po qëndron prej 28 gushtit. Ai u arrestua në piken kufitare te Muriqanit, pasi ishte shpallur në kërkim ndërkombëtar nga Interpoli.
Kokunov akuzohet për afro 30 vrasje ne Rusi ndërsa cilësohet edhe si koka e grupeve kriminale ne Beograd, kryeqytetin e Serbisë. Gjatë qëndrimit në burgun e Reçit ka patur informacione se bandat serbe mund te ndërhynin për arratisjen e tij ndaj janë marrë masa ekstreme sigurie nga policia e Shkodrës.
Komente
Vllau i kryekriminelit kryeminister , Tani i jap edhe azil së bashku edhe pasaporten e art…
Përgjigju