HIMARE - Dy turiste gjermane janë shpëtuar nga policia pasi kishin humbur rrugën në kanionet e Gjipesë. Dy turistet J.M dhe K.U, 37-vjeçare, po eksploronin zonën malore të Kanionit të Gjipesë në Himarë, por gjatë natës kanë humbur rrugën e kthimit duke mbetur të bllokuara. Ato kërkuan ndihmën e policisë, ndërkohë që menjëherë u angazhuan jo vetëm shërbimet e policisë në Himarë, por edhe FNSH dhe zjarrfikëset e bashkisë.
Pas marrjes së informacionit, policia ka nisur aksionin për shpëtimin e tyre që ka zgjatur rreth tre orë. Të dyja turistet nuk kanë pësuar asnjë lëndim dhe ndodhen në gjendje t ëmirë shëndetësore.
Aksioni ka qenë i vështirë për shkak të terrenit, ndërkohë që nga sa raportohet nga policia, ndërhyrja është bërë duke i nxjerrë me litar.
Turistet gjermane kanë falënderuar Policinë dhe zjarrfikësit për angazhimin dhe ndihmën e dhënë.
Gjiri i Gjipesë është një terren i vështirë për tu eksploruar dhe tërheq më së shumti turistët e huaj, që për ta vizituar nuk zgjedhin rrugën nga deti me mjete motorike, por preferojnë ta përshkojnë në këmbë përmes rrugës malore.
Komente
Meqe u jane dhimbsur 10€ qe te paguajne nje guide turistike,jepuni faturen e shpenzimeve te realizuara ne aksionin e shpetimit.Ne shume raste turistet po I kushtojne taksapaguesve shume shtrenjt.
Përgjigju