Pezullohet funksionimi i Landfillit të Maliqit, për shkak të mospagesës së taksave të investimit pranë bashkisë së Maliqit. Ky është impianti më i madhi i ndërtuar në juglindje të vendit dhe do të depozitojë mbetje e një pjese të konsiderueshme të qarkut të Korçës. Fillimi i tij nga puna është në vartësi të pagesave nga autoritetet qendrore.
Është bllokuar fillimi i punës në Landfillin e grumbullimit të mbetjeve në juglindje pasi nuk është bërë pagesa e taksës së investimit pranë kësaj bashkie me një vlerë të caktuar e cila ishte ishte përcaktuar në bazë të përqindjes së grumbullimit. Një gjë e tillë është bërë me dije nga kryetari i bashkisë Gëzim Topçiu, i cili shprehet:” Kërkoj zbatimin me përpikmëri të ligjit”.
Duke parë një situatë të tillë edhe në kushtet kur Landfilli i Maliqit është gati për t’u vënë në punë, duket se do të kalojë akoma kohë para se ky impiant të nisë nga puna. Ndërtimi për Landfillin e Maliqit ka filluar në vitin 2010, dhe do të grumbullojë mbetjet e gjithë qarkut. Ky landfill pritej të niste funksionin e tij në fundin e vitit të kaluar, por një gjë e tillë nuk do të realizohet, deri sa të përmbushen të gjitha detyrimet.