Gjykata e Apelit të Tiranës ka lehtësuar masën e sigurisë për 3 kontrollorët e arrestuar për shpërdorim detyre pasi nxitën bllokimin e fluturimeve në aeroportin e Rinasit. Armando Fevzga, Muhin Mezini dhe Flora Ndreca akuzohen si organizatorë të protestës që solli edhe bllokimin e fluturimeve në aeroportin e Rinasit për 24 orë.
Gjykata ka vendosur masën 'arrest shtëpie' për kontrollorët Armando Fevzga dhe Muhin Mezini të cilët ishin në burg, ndërsa vendosi 'detyrim paraqitje' për Flora Ndrecën, e cila ishte në "arrest shtëpie".
Mëngjesin e 7 prillit, rreth 60 kontrollorë bojkotuan punën duke shpallur paaftësinë për të punuar për shkaka të stresit që sipas tyre ishte shkaktuar nga stresi si pasojë e rënies së financave në familje. Ndërkohë që ligji e ndalon që ky sektor të bëjë protestë. Tre të liruarit Armando Fevzga, Muhin Mezini dhe Flora Ndreca kanë ndikuar mbi kontrollorët e tjerë për plotësimin e formularëve të paaftësisë në punë. Ata u arrestuan më herët por sot janë lënë të lirë nga Apeli i Tiranës.
Pjesa më e madhe e kontrollorëve të trafikut ajror në AlbControl ndaluan punën me arsyetimin se për shkak të uljeve të pagës ata kanë pasur stres si pasojë e rënies së financave në familje dhe janë deklaruar paaftë për punë duke sjellë një bllokim për rreth 24 orë të Aeroportit të Rinasit.
Komente
Shpetuan zagaret....
PërgjigjuSi do ja bejne keto jashteqitje tani qe pd humbi. Te gjithe perpara drejtesise dhe te marrin denimin e merituar
Përgjigju