Kryeplaku i fshatit Rraja e Zezë në Mirditë, Kol Nikolli është gjobitur me 5 milionë lekë pasi akuzohet se ka organizuar para disa ditësh protestën e banorëve të 3 fshatrave Vele, Rraja e Zeze dhe Munaz për rrugën e prishur. Nikolli është gjobitur si organizator i protestës duke shkelur rregullat anti-COVID.
Më 16 janar disa banorët protestuan për dëmtimin e rrugës që lidh 3 fshatra në Mirditë nga punimet që janë bërë për ndërtimin e ujësjellësit. Një ditë pas protestës, 8 prej protestuesve u vunë nën hetim për grumbullim të paligjshëm, pengim të qarkullimit të mjeteve të transportit dhe nuk iu bindën urdhrit të Policisë për t'u shpërndarë
Ata bllokuan edhe për disa minuta Rrugën e Kombit, ndërsa shprehen se rruga është bërë e pakalueshme duke dëmtuar automjete e tyre, ndërsa deri tani askush nuk ka ndërhyrë për ta rikthyer në gjendjen e mëparshme.
Komente
