TIRANË- Bordi i Transparencës ka publikuar çmimet e reja të hidrokarbureve. Bordi ka ulur me katër lekë çmimin e naftës, ndërsa ka rritur me 1 lekë çmimin e benzinës. Ndërkohë, çmimi i gazit mbetet i njëjtë, 80 lekë/litri. Konkretisht, nafta do të shitet me 216 lekë/ litri nga 220 lekë/ litri. Ndërkohë, benzina nga 199 lekë/litri do të shitet me 200 lekë/litër.
“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 216 lekë/litri, ndërsa i shitjes me shumicë jo më shumë se 204 lekë/litër. Çmimi i shitjes me pakicë i nënproduktit benzinë e standardit SSH EN të jetë jo më shumë se 200 lekë/litri,ndërsa i shitjes me shumicë jo më shumë se 188 lekë/litër. Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet”, thuhet në njoftim.
Pas uljes rekord të çmimit të naftës në bursë, Konfindustria kërkon që të shkrihet Bordi i Transparencës, pasi sipas tyre po vepron në dëm të interesit publik. Konfindustria thotë se në të gjitha vendimet që ka marrë deri më tani Bordi ka favorizuar kartelin e karburanteve. Konfindustria vlerëson se vendi ynë ka çmimet më të larta të karburanteve në botë, ndërsa thotë se nafta duhej të shitet nën 200 lekë/litri.
Çmimet e reja do të futen në fuqi nga ora 18:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Çdo biznes i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë. Në rast të shkeljeve të konstatuara nga operatorë të ndryshëm do të vendoset pezullim aktiviteti, heqje licence dhe sekuestrim.
Komente
Bordi ka zarfin ne xhep per kete arsye ka ulje kaq te lehta te çmimit ???? Populli eshte ne gjum se duhet te çohen e ti q… rpt ketyre qe kane kthy ne prone private tregun ?
Përgjigjuo fratello. cmimin e vendos ti, une dhe kush konsumon karburant me makine. sa me shume ta kerkojme ne, aq me i larte eshte. ndryshimi me bordin eshte vetem qe shteti ka vene nje taban, pastaj pikat i vendosin cmimet si te duan, mjafton qe mos ta kalojne. dhe qe ta dish, nje gje e tille ne treg te lire nuk ekziston. jane cudira shqiptare. ne treg te lire ai e vendos edhe 300 leke. po deshe blije.
nafta duhej te ishte 1800 leke,,,
PërgjigjuBordi eshte kethyer ne kartel korrupsioni dhe shfrytezojne rastin,,nafta dhe benzina kushton me pak ne itali.
Përgjigju