Argjentina dhe jo vetëm, mbajnë frymën sonte pasi River Plate pret Boca Juniors në “Estadio Municipal” për të përcaktuar fituesen e Kupës Libertadore. Një finale jo si gjithë të tjerat dhe kjo duket në stërvitjen që Boca Juniors ka kryer ditën e djeshme. Në stadium për të parë seancën e fundit të hapur për publikun kanë qenë 49 mijë tifozë, aq sa në finalen e parë të përfunduar me shifrat 2-2.
Në këtë kompeticion I cili është ekuivalenti I “Champions League” nuk vlen goli në fushë kundërshtare, ndaj për të ngritur kupën dy skuadrat duhet të fitojnë me patjetër. Më e favorizuar është River Plate, pasi sonte luan në fushën e saj dhe do të ketë mbështetjen e 62 mijë tifozëve. Kjo është finalja e fundit që luhet me dy ndeshje dhe e para mes këtyre dy skuadrave, të cilat pritet të eklipsojnë sfidat më të rëndësishme të fundjavës në Europë.
Superklasiko siç njihet ndryshe do të transmetohet direkt në katër anët e botës, duke thyer rekordin e një ndeshje të amerikës latine. Mungesa më e madhe do të jetë për River Plate, që do të duhet të bëjë pa sulmuesin Pavon që herë pas here thirret edhe në kombëtaren argjentinase. Vendin e tij pritet ta marrë njëri mes Karlos Tevez, Zarate dhe Almendras.
