Qyteti Saransk në Rusinë Qendrore, 630 km në lindje të Moskës, po përjeton drithërimat e para të emocioneve si qytet i Kampionatit botëror. Saransk është një nga qytetet më të bukur të Rusisë. Rrugët shumë moderne dhe evropiane, gjithnjë e më shumë po tërheqin mijëra turistë nga i gjithë vendi. Qyteti kombinon ndërtesa historike, ato sportive, simbolet e religjionit dhe parqet me arome fantastike. Në çdo kilometer të Saransk zbulojmë histori, gjurmë të letersisë së madhe ruse, vende rekreacioni dhe argëtimi, njerëz që presin me padurim eventin e madh futbollistik.
“Mordovia Arena”
Arena e Mordovias në Saransk, është ndërtuar në brigjet e lumit Insar dhe ka kapacitet prej 44 000 vendesh. Ndërtimi I stadiumit nisi në vitin 2013 dhe perfundoi në vitin 217. Një nga veçoritë e arenës Mordovia, është forma ovale dhe karakteri strukturor dinamik, me plot ngjyra që prekin portokallin, të kuqen dhe të bardhën, ngjyrat zanafillë të artit të shek të 19.
