400 milje në veriperëndim të Moskës, Shën Pjetërburgu, është qyteti i dytë me i madh i Rusisë, qyteti romantik i kryeveprave arkitekturore, qyteti pritës i disa prej ndeshjeve të Kampionatit Botëror. Qyteti është një mundësi e shkëlqyer për të admiruar ndërtesat madhështore, shtigjet e artë, kanalet piktoreske dhe disa nga veprat më të rëndësishme të artit në botë. Ish kryeqyteti i Perandorisë, ai u themelua nga Car Pjetri i Madh në vitin 1703, për ti treguar botës, Rusinë e tij të re. Sot, Shën Petersburgu konsiderohet kryeqyteti kulturor i vendit: një qendër turistike gjithnjë në rritje, e cila tërheq mijëra vizitorë falë galerive, muzeve, ndërtesave historike dhe katedraleve të bukura, pa harruar “Pallatin e Dimrit”, një ndërtesë madhështore në stilin barok, me mbi 3 milion vepra të artit, pallatet e “Peterhof” dhe “Pavlovski”, ish rezidenca te familjes, Romanov.
Stadiumi i ri super-modern i Shën Petersburgut, I ndertuar ne ishullin Krestovsky, do te jete nje nga me te fortet e Kupes se Botes.
Ketu do te zhvillohen gjithsej 7 ndeshje - 4 ndeshje te grupeve B, A, E, dhe D, nje ndeshje e 1 te tetave, nje ndeshje gjysme finale dhe ndeshja per vendin e trete dhe te katert.
Shën Pjetërburg Arena
I projektuar nga arkitekti japonez Kisho Kurosava, Arena e Shën Pjeterburgut është një nga stadiumet më të avancuar nga pikëpamja teknologjike. Shtepia hiperteknologjike e “Zenitit”, ngrihet në ishullin Krestovskaja, në pjesën perëndimore të qytetit. I ringritur mbi themelet e stadiumit të vjetër të Kirovit, arena e re u inaugurua në vitin 2017, pas 10 vite pune dhe ka kushtuar 735 milion dollarë. Me kapacitet prej 69 mije vendesh dhe me nje çati rrëshqitëse, e aftë të mbulojë gjithë stadiumin brenda 15 minutash, ky është një nga kompekset më mbreslënës të Botërorit.