Zona e Evropës ka zhvilluar disa nga ndeshjet e radhës kualifikuese për Kupën e Botës 2026. Mbrëmjen e 10 qershorit në fushë u luajtën gjashtë takime në tre grupe.
Në Grupin G, Holanda mposhti 8-0 Maltën në një sfidë që nuk kishte shumë histori. Depay me dopietë, van Dijk, Simons, Malen (2x), Land dhe van de Ven ishin autorët e golave. Pas dy ndeshjeve Holanda ka gjashtë pikë.
Po për Grupin G tri pikë siguroi edhe Finlanda që mposhti 2-1 Poloninë. Pohjanpalo dhe Kallmen shënuan te vendasit, ndërsa Kiuior shkurtoi për polakët. Finlanda mban kreun me shtatë pikë dhe një ndeshje më shumë të luajtur se Holanda.
Renditja në Grupin G
Për Grupin H Rumania fitoi 2-0 kundër Qipros me golat e Tanase dhe Man. Ndërkohë Austria fitoi 0-4 kundër San Marinos me dopietën e Arnautovic dhe golat e Gregoritsch e Baumgartner. Me një ndeshje më shumë se Austria, këtë grup e kryeson Bosnja dhe Hercegovina.
Renditja në Grupin H
Në Grupin K, Shqipëria barazoi 1-1 në udhëtim me Letoninë duke marrë një rezultat zhgënjyes. Ndërkohë po në këtë grup ishte Serbia që siguroi tri pikët e para duke mposhtur 3-0 Andorrën me tripletën e kapitenit Mitrovic.
Renditja në Grupin K
Kualifikueset e Kupës së Botës, e martë 10 qershor:
Grupi G
Finlandë 2-1 Poloni
Holandë 8-0 Maltë
Grupi H
Rumani 2-0 Qipro
San Marino 0-4 Austri
Grupi K
Letoni 1-1 Shqipëri
Serbi 3-0 Andorra
Komente
