Botërori i vitit 2019 në Formula 1 ka nisur aty ku u mbyll i vjetri, me dominimin e skuderisë ‘Mercedes’. Në Çmimin e Madh të Australisë I pari vijën e finishit e preku piloti finlandez Valteri Bottas, i cili la pas shokun e skuadrës dhe kampionin në fuqi Leëis Hamilton.
Bottas edhe pse u nis i dyti kaloi që në start shokun e skuadrës, pozicione që më pas mbeten të pandryshuara deri në fund. Në podium pati vend edhe për pilotin e “Red Bull” Max Verstappen.
Zhgënjen në këtë start skuderia “Ferrari”, me dy pilotët e saj Sebastian Vettel dhe Lecklerk që u renditën respektivisht në vendin e katërt dhe të pestë. Ajo që bëri më shumë përshtypje nuk ishte pozicionimi, por distanca 30 sekonda që makina “Ferrari” pati në fund me “Mercedes-in” fitues.
Komento
Komente
