Emisioni “Botërori +” në Report Tv ka vazhduar në ditën e tretë të tij, ku në fokus, përveç ndeshjes së fundit Spanjë-Portugali, e mbyllur në barazim 3, janë edhe ndeshjes e ditës së sotme, me Messin që pritet të zbresë në fushë në orën 15:00.
Megjithatë, i ftuari i përhershëm, Eduard Prodani, ka dhënë meritat për Cristiano Ronaldon, që shënoi 3 gola ndaj Spanjës:
“Cristiano Ronaldo është super i pjekur, ka arritur kulminacionin e tij dhe këtë e kemi parë edhe në tre sezonet e fundit në Champions League. Tre golat e tij tregojnë se ai edhe i vetëm mund të udhëheqë skuadrën.
Portugalia është e varur totalisht prej tij. Nëse nuk do të ishte Cristiano Ronaldo, me siguri që do të shpartallohej nga Spanja.”
Komento