Pasi tre ditë më parë, Asim Vokshi u zgjodh anëtari i ri i Gjykatës Kushtetuese, ditën e sotme është botuar në Fletoren Zyrtare ëmrimi i tij. Asim Vokshi do të ketë një mandat 9-vjeçar si anëtar i Gjykatës Kushtetuese.
Ndërsa vendimi i është dërguar kryetarit të Kuvendit, Presidentit të Republikës dhe kryetarit të Gjykatës Kushtetuese.
Të martën mësohet se Vokshi do të betohet në Presidencë si anëtari më i ri i Gjykatës Kushtetuese.
Vendimi për emërimin e Asim Vokshit u mor në mbledhjen e anëtarëve të Gjykatës së Lartë, organi i emërtesës. Vokshi u shpall automatikisht fitues pasi asnjëri nga tre kandidatët, të cilët kishin marrë më shumë pikë nga KED, nuk mori 3/5 e votave. Kështu Vokshi, i renditur i pari në pikëzim (89.5 pikë) u zgjodh anëtari që do të zëvendësojë Zaçajn.
Komente
