Deputeti i PS-së, Erion Braçe ka reaguar lidhur me protestën e thirrur nga PD më 15 mars për mbylljen e TikTok në Shqipëri.
Përmes një videoje të publikuar në rrjetet sociale, ku Sali Berisha flet lidhur me këtë protestë, Braçe thotë se Berisha organizon protestë për mbylljen e TikTok në një kohë kur në vende të tjera bëhen protesta për humbje të jetëve të njerëzve.
Ai shkruan se Berisha fton në protestë fëmijët e shkollave fillore.
Lëre të rrjedhë. Grekët dolën në rrugë e protestuan për 57 të vdekur nga përplasja e dy trenave, serbët dolën në rrugë e protestuan për 14 të vdekur nga shembja në stacionin e Novi Sad; mallështorët e Tiranës do protestojnë për mbylljen e TikTok, armës efikase të partisë komuniste të Kinës!
Është nam e gjitha, thotë si arsye “mbrojtjen e lirisë së shprehjes” dhe këtë parim ja siguron partia komuniste e Kinës. Thotë si arsye “mbrojtjen e lirisë së shprehjes”, për të ka parasysh veten, mallështorët e tij dhe të llapit, por fton në protestë fëmijët e 9- vjeçares, 12 vjeçares etj!
Dhe që të tregoj që është fiks në moshën e ish Biden, i fton të protestojnë në Sheshin Skënderbej me adresë para kryeministrisë! Lerë të rrjedhë domethënë!’, shkruan ai.
Lajmi kryesor:
Braçe i kthehet Berishës: Duhet të kesh probleme mendore t’i thuash një fëmije mos shko në shkollë e mos mëso se të kanë mbyllur TikTok (VIDEO)
S.B/ReportTv.al
