Brazili po përjeton një fundjavë të shënuar nga polemika pas mbylljes së rrjetit social X (ish-Tëitter), në të gjithë vendin.
Qytetarët që kanë tentuar të hyjnë në rrjetin social janë gjetur me mesazhin e mëposhtëm:
“Postimet nuk po ngarkohen në këtë moment”.
Vendimi, i marrë në gjykatë, u vendos nga Alexandre de Moraes për "moszbatimin e përsëritur të urdhrave të gjykatës", nga kompania e Elon Musk.
Manjati afrikano-jugor kërcënoi gjithashtu se do të publikojë "një listë të gjatë krimesh" nga gjyqtari këtë të dielë.
Shpjegimi i Alexandre de Moraes ishte se ekziston "një rrezik i afërt që grupet ekstremiste dhe milicitë dixhitale të vazhdojnë dhe zgjerojnë instrumentalizimin e X-Brazil me përhapjen masive të fjalimeve naziste, raciste, fashiste, urrejtjeje dhe antidemokratike".
Historia vjen nga muaj më parë, ku tensioni mes sistemit të drejtësisë braziliane dhe miliarderit është përshkallëzuar me kalimin e kohës.
I fundit që dha këndvështrimin e tij për këtë polemikë ishte Lula da Silva, presidenti i Brazilit. Politikani ka mbrojtur vendimin e gjykatës për mbylljen e X:
“Çdo qytetar nga kudo në botë që ka një investim në Brazil i nënshtrohet Kushtetutës braziliane dhe ligjeve të vendit”.
Presidenti ka akuzuar Elon Musk, duke siguruar se “që një burrë ka shumë para, nuk do të thotë se mund të mos respektojë ligjin".
"Ai është një qytetar amerikan, jo një qytetar i botës. Ai nuk mund të vazhdojë të ofendojë presidentët, kongresmenët, senatorët, Kongresin apo Gjykatën e Lartë. Kush mendon se është? Gjëja tjetër është se ai duhet të respektojë vendimin e Gjykata e Lartë e Brazilit [...] Ky nuk është një vend me një kompleks të pastrehëve (endacakëve)”, shtoi ai.
Konfliktet mes platformës së Musk dhe qeverisë së Brazilit po vazhdojnë prej muajsh dhe nuk po gjendet zgjidhje.
Komente
Presidenti Luka, një marksist leninist i devotshem, është Kinder kapitalizmit dhe kapitalit. Pjesemarres i rregullt i kongreseve te PPSH, nxenes i Enver Hoxhes, nuk mund te jape leksione demokracie, por te flase per klasen puntore. Na tregon që ne Brazil ka gjykata. Harroi Lula, se gjykatat e Brazilit e denuan dhe futen në Burg. Harron Lula "se forma e keqe e pretendimit te Drejtesise nga gjykata, eshte vetë gjykata dhe drejtesia e pretenduar". Elon Musk do te lodhet kot te merret me marksiste leninistet si Lula.
Përgjigju