Brazili i është afruar sërish Carlo Ancelottit për t'i ofruar atij rolin e trajnerit, pohojnë raportet nga Amerika Latine, pasi statusi i italianit te Real Madrid nuk është i paprekshëm.
Kjo nuk është hera e parë që pozicioni i stolit të ‘Seleçaos’ i propozohet Ancelottit, i cili e refuzoi atë vitet e fundit. Pas humbjes poshtëruese në kualifikueset e Kupës së Botës 4-1 ndaj rivalëve të vjetër, Argjentinës, Federata e Brazilit filloi të shikonte përtej trajnerit aktual Dorival Junior.
Sipas GE Globo, Federata rifilloi kontaktet me menaxherin e Ancelottit dhe kërkoi një takim me italianin.
Tekniku italian ka qenë i hapur ndaj bisedimeve, por sipas tij, çdo vendim mund të merret pas Botërorit të Klubeve i cili përfundon në korrik të këtij viti.
Komento
Komente
