Fugoni i ndaluar në Portin e Brindisit me drejtues shqiptar, brenda të cilit u gjetën dy breshka toke “Testudo Hermanni” me qëllim shitjen e tyre në Itali, ngriti alarmin pasi kjo specie rrezikon të zhduket dhe tregtia e tyre është e ndaluar sipas ligjeve ndërkombëtare që prej vitit 1992 por autoritetet shqiptare nuk tregojnë vigjilencën e duhur. Report Tv u interesua më shumë lidhur me këto raste që mund të jenë shumë, edhe për faktin se në pikat e kontrollit kufitare shqiptare kalimi i tyre anashkalohet.
“Është një specie e cila është në librin e kuq të specieve të Shqipërisë, rrezikon zhdukjen. Dogana shqiptare si informacion e ka, për këto, sepse kanë një listë dhe një libër çdo doganë në Shqipëri. Nuk mund të them është një anashkalim i qëllimshëm apo jo, por janë të painformuar, të patrajnuar, të papërditësuar. Janë raportuar edhe raste të tjera, mund të them me qindra breshka që tregtohen, nuk është rasti i parë, por është rasti i parë që del në dritën e medias”, thotë Ariel Vasili, specialist për kafshët e egra dhe ekzotike.
Zinxhiri i trafikut të kësaj specie sipas ekspertit Vasili, nis që tek fshatari i thjeshtë i cili e shet në treg të zi për një shumë fare të vogël, e deri tek trafikantët që e nxjerrin jashtë Shqipërisë, kryesisht Itali, me qëllim konsumi. Çmimi i një breshke në treg të zi varion nga 60 deri në 2000 euro një.
“Ja kanë marrë atij fshatarit për 10 mijë lekë të vjetra, e kanë reklamuar sikur është një gjë që mezi e gjen. Praktikisht është një specie në zhdukje. Të shesësh një breshkë për 2000 euro, të shesësh në përgjithësi një specie që mbrohet nga 4 ligje në Shqipëri dhe 10 ligje në vendet europiane, është ilegale, për mua duhet të fillojmë ta mendojmë këtë lloj tregtie si tregtia e drogës. Sepse po flasim për një specie të vogël që bën 2000 euro, është krim”, u shpreh Vasili.
Po çfarë parashikon ligji shqiptar për trafikuesit e kafshëve që cilësohen specie në zhdukje, ndërkohë që shteti italian të dënon me gjobë deri në heqje lirie që shkon 3 vite.
“Me ligjin e ri është lënë në interpretimin e gjykatësit heqja e lirisë, gjithashtu në interpretimin e gjykatësit vendosja e gjobës”, tha Vasili.
Specialisti Vasili shtoi se çifti i breshkave të kapura në Portin e Brindisit duhet patjetër që të rikthehen në habitatin e tyre aty ku janë marrë, por në pamundësi rikthimi në Shqipëri, do të bëhet e mundur edhe përshtatja e tyre në tokën italiane.
Mesatarisht, çmimet e breshkave të tokës (kryesisht foshnjat) në sipas llojit janë:
Testudo hermanni 60/80 euro
Testudo marginata 70/80 euro
Centrochelys sulcata 80/100 euro
Testudo horsfieldi 60/100 euro
Breshkat e rritura që janë në moshën riprodhuese kushtojnë shumë më tepër:
Testudo hermanni mashkull 150/400 euro
Centrochelys sulcata 500/2000 euro
Testudo hermanni femër 300/600 euro
Breshke Horsfield e rritur 300 euro
Testudo marginata e rritur 300/1000 euro
Komente
Me pare fillohet me konsumatorin,denimi apo edukimi qe te mos e hane duhet filluar me ta.Shqipot nuk kane qene ngrenes breshkash,kjo eshte tradite e vendeve te tilla si Italia e Franca.Po te mos kete konsumatore,nuk ka as treg shitje e shites e trafikante.
PërgjigjuFilluan breshkaxhinjte ta nxjerrin koken...
Përgjigju