Ligji i ri i Rishi Sunak për të ndaluar azilin, e kaloi pengesën e tij të parë në Dhomën e Komunave mbrëmë - por kryeministri është paralajmëruar për një rebelim konservator. Ish-kryeministrja Theresa May udhëhoqi një revoltë kundër Projektligjit të Migracionit të Paligjshëm duke shprehur një sërë shqetësimesh për pasojat e tij. May paralajmëroi se viktimat e skllavërisë moderne do të jenë 'dëm kolateral' si rezultat i goditjes së re të krizës së emigrantëve.
“Sa herë që mbyllni një rrugë, migrantët dhe kontrabandistët e njerëzve gjejnë një rrugë tjetër. Kushdo që mendon se ky projektligj do të trajtojë njëherë e përgjithmonë çështjen e migracionit të paligjshëm e ka gabim”.
I pyetur për komentet e ish-kryeministres May, Sunak tha:
"Unë jam i bindur se ligji ynë përfaqëson mënyrën më të mirë për të zgjidhur këtë problem, edhe pse nuk do të jetë e lehtë.
May, ish-sekretare e Brendshme, iu bashkua një numri deputetësh të tjerë konservatorë në refuzimin e mbështetjes së projektligjit që u miratua me 312 vota pro dhe 250 kundër në leximin e tij të dytë. Ministri i Sigurisë Tom Tugendhat këtë mëngjes mbrojti projektligjin pas sulmeve të Theresa May dhe theksoi se qëllimi i tij ishte t'i jepte fund trafikimit të njerëzve nga bandat. Sipas projektligjit, kushdo që arrin në Britani duke kaluar Kanalin me një varkë të vogël – ose me ndonjë mjet tjetër të paautorizuar nuk do të jetë më në gjendje kurrë të hyjë në Britaninë e Madhe. Në vend të kësaj, ata do të kenë të drejtë për azil vetëm në një vend të tretë si Ruanda. Një projektligj i tillë prek më së shumti shqiptarët, shumë prej të cilëve ikin në mënyrë ilegale drejt Britanisë.
Komente
Ata qe kane ngritur dore per te votuar kete ligj nuk jane as politikan as qeveritar as deputet por jane dhunuesit e te drejtave nderkombetare te njeriut! Nuk do debojn njeres apo grupe te vecanta por shume popuj qe enderrojn nje jete me te mire! Populli angles eshte i mrekullushem dhe ai vet si gjithmone do ti vere shpatullat zgjidhjes se emigracionit ashtu sic ka bere me shekuj dhe me vite te tera! Jeta e cdo njeriu ne cdo cep te glob!Mbi xhaketat e mbetura neper gjemba mbi trupat qe notojn mbi oqean ne gjakun e grumbulluar ne fund te oqeanit nga jetet njerezore nuk do te shkeli askush!
Përgjigju