Në përpjekje për të vënë nën kontroll numrin e ri të të infektuarve me COVID-19, udhëtarët që mbërrijnë në Britaninë e Madhe dhe mashtrojnë duke thënë se nuk kanë ardhur nga një nga vendet e listës së kuqe, mund të burgosen deri në 10 vjet, ka njoftuar sekretari i Shëndetësisë.
“Këto masa do të hyjnë në fuqi këtë javë. Unë nuk kërkoj ndjesë për rreptësinë e këtyre masave sepse kemi të bëjmë me një nga kërcënimet më të forta për shëndetin tonë publik me të cilin jemi përballur si komb”, deklaroi Matt Hancock.
Nga 15 shkurti, njerëzit që do të hyjnë në Britaninë e Madhe nga 33 vende me rrezik të lartë, përfshirë Argjentinën, Afrikën e Jugut ose Zimbabve, do të duhet të karantinohen për 10 ditë në një hotel dhe të sigurojnë tre rezultate negative të testit të koronavirusit.
