Keir Starmer

Bota

Britania e Madhe ‘injoron’ paralajmërimin e Putin, mbahet sot takimi për planin paqeruajtës në Ukrainë

20 Mars, 07:57| Përditesimi: 20 Mars, 08:16

  • Share

Britania e Madhe do të mbajë të enjten një takim të mbyllur të oficerëve të lartë ushtarake nga “koalicioni i të gatshmëve”, që ka për synim hartimin e planit për të vendosur një forcë paqeruajtëse në Ukrainë. Sipas BBC, më shumë se 20 vende do të marrin pjesë.

Oficerët e lartë ushtarakë do të mblidhen në selinë e Përhershme të Përbashkët të Mbretërisë së Bashkuar në Northwood.

Ky takim vjen përkundër kundërshtimit të presidentit rus Vladimir Putin, i cili ka thënë se nuk do të tolerojë praninë e asnjë trupe anëtare të NATO-s në Ukrainë, pavarësisht rolit të tyre.

Putin vazhdon të ushtrojë presion mbi ata që ai i quan si “vijat e kuqe”, duke përfshirë ndalimin e ndihmës ushtarake ndaj Kievit dhe shkëmbimin e inteligjencës perëndimore me të.

Megjithatë, kryeministri britanik Keir Starmer  është i vendosur të shkojë drejt asaj që ai e quan "faza operative" e planifikimit për të mbrojtur çdo armëpushim të mundshëm të Ukrainës.

Xh.D/ReportTv.al
Komento

Komente

  • Sondazhi i ditës:

    A e keni vendosur se për kë do të votoni më 11 maj?