Pas njoftimit se është shfaqur një mutacion i ri i koronavirusit, disa shtete fqinje kanë ndërprerë udhëtimet nga Britania.
Mediat e huaja bëjnë me dije se Holanda dhe Belgjika kanë pezulluar fluturimet, gjithashtu në kuadër të masave mbrojtëse edhe Belgjika ka pezulluar lëvizjen e trenave në drejtim të Britanisë.
Ndërkohë ditën e sotme, Ministri i Jashtëm i Italisë, ka njoftuar se qeveria po mendon ndërprerjen e udhëtimeve nga Britania ku këtë vendim po e shqyrton dhe Franca e Gjermania.
Zyrtarët shëndetësorë thonë se nuk ka asnjë provë që tregon se varianti i ri është më vdekjeprurës, ose do të reagonte ndryshe ndaj vaksinave, por po tregon të jetë deri në 70% më i transmetueshëm.
Varianti i ri i koronavirusit u identifikua më 13 dhjetor në komunën e Kentit në Anglinë e jugut dhe analizat fillestare të shkencëtarëve qeveritarë çojnë përfundimin se ky virus “po përhapet më me shpejtësi se variantet ekzistuese”.
Komente
Kryeministri duhet mare urgjetinsht masa te reja sepse studentet do vijn per pushime andej, edhe po e sollen ketu ikim per leah pastaj
Përgjigju