Receta

Bukë me presh dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

3 Tetor, 11:08| Përditesimi: 3 Tetor, 11:11

  • Share

Bukë me presh dhe djathë

Përbërësit:

4 presh

400 gr miell

200 gr djathë i bardhë

1 gotë ujë i vakët

1 dorë fara miks (susam, luledielli, liri)

1 lugë gjelle vaj ulliri

Pak vaj ulliri për skuqje

Kripë, piper

 

 

Përgatitja:

Lajmë mirë preshin, e presim hollë dhe e skuqim në një tigan me pak vaj ulliri. E spërkasim me kripë e piper dhe e lëmë derisa të zbutet. Më pas e heqim nga zjarri.

Në një tas hedhim miellin e situr. Shtojmë kripën dhe ujin e vakët, duke krijuar një hapësirë në mes. Punojmë brumin derisa të lidhet, më pas shtojmë 1 lugë vaj ulliri dhe farat. Vazhdojmë ta punojmë derisa të bëhet elastik. Tek preshi i ftohur shtojmë djathin e bardhë të thërrmuar dhe i përziejmë mirë. Brumin e hapim, vendosim mbushjen me presh e djathë në mes dhe e mbyllim. Punohet pak me duar për ta përhapur dhe e vendosim në tavë, duke i dhënë formën që duam (rrumbullake ose katrore). E vendosim në furrë të parangrohur në 180°C për 35–40 minuta, derisa të marrë ngjyrë të artë.

I.M/ReportTv.al
Komento

Komente

  • Sondazhi i ditës:

    PD pritet të mbështesë kandidatë të pavarur në 6 Bashki, si e vlerësoni?