Bulqizë- Konflikti për galeritë kalon në vetëgjyqësi mes dy pretenduesve për një nga minierat në zonën e Bulqizës.
Policia vendore bëri me dije sot (29 gusht) se ka marrë nën akuzë një 50-vjeçar nga Tirana, i denoncuar nga administratorja e një subjekti minerar.
“Specialistët për Hetimin e Krimeve të Komisariatit të Policisë Bulqizë, referuan materialet në Prokurori, ku nisi procedimi penal për K.L., 50 vjeç, banues në Tiranë, pasi me vetëgjyqësi nuk ka lejuar të futet në subjektin minerar shtetasen S.Sh., e cila është administratore”, tha policia vendore.
Rrethanat dhe shkaqet e ngjarjes mbeten ende të panjohura dhe po hetohen bashkë me prokurorinë vendore, që po kryen edhe veprimet e mëtejshme proceduriale.
Komento
Komente
