Një aksident me pasojë vdekjen është shënuar sot në fshatin Viçisht, Bulqizë.
Rasim Lika, humbi kontrollin e zetorit që po drejtonte, duke dalë kështu jashtë rrugës.
Si pasojë e plagëve të marra 67-vjeçari ndërroi jetë në spital.
“Rreth orës 13:30, në fshatin Viçisht, shtetasi R.L., 67 vjeç, duke drejtuar një automjet bujqësor, dyshohet se ka humbur kontrollin mbi drejtimin e tij dhe mjeti ka dalë nga rruga. Si pasojë e dëmtimeve të marra, 67-vjeçari ka humbur jetën në spital”, njoftoi sot policia.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
Komento
Komente
