Bulqizë-Një aksident me pasojë vdekjen ka ndodhur ditën e sotme në Bulqizë, ku një mjet ka dal nga rruga dhe ka përplasur një këmbësore.
Aksidenti ka ndodhur rreth orës 15:50, në vendin e quajtur “Ura e Vocit”, Bulqizë, ku Sali Hoxha, 64 vjeç duke drejtuar automjetin e tij ka dal nga rruga pasi ka humbur kontrollin dhe ka përplasur këmbësoren Hysnie Murra, 59 vjeçe, e cila ka ndërruar jetë.
‘Rreth orës 15:50, në vendin e quajtur “Ura e Vocit”, Bulqizë, shtetasi Sali Hoxha, 64 vjeç, banues në Fushë-Bulqizë, duke drejtuar automjetin e tij, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar këmbësoren, shtetasen Hysnie Murra, 59 vjeçe, e cila ka ndërruar jetë’, njoftoi sot policia.
Drejtuesi i automjetit është shoqëruar në Komisariat për veprime të mëtejshme, ndërsa grupi hetimor ndodhet në vendngjarje dhe po punon për zbardhjen e shkaqeve dhe rrethanave të aksidentit.
Komente
