Bulqizë-Policia e Bulqizës ka nisur hetimin për tre persona, pasi ushtronin aktivitetin e paligjshëm të lojërave të fatit, nëpërmjet celularëve.
Sipas njoftimit të policisë ata i përkasin moshave 38, 28 dhe 17 vjeç, të gjithë banues në Bulqizë
“Si rezultat i kontrolleve të kryera nga shërbimet e seksionit për Hetimin e Krimeve Kibernetike, në bashkëpunim me Komisariatin e Policisë Bulqizë, për evidentimin dhe goditjen e veprimtarisë së kundërligjshme në fushën e lojërave të fatit, kanë organizuar punën duke evidentuar e goditur 3 raste.
Si rezultat, u referuan materialet në Prokurori ku nisi procedimi penal për shtetasit J.M., 38 vjeç; M.Sh., 28 vjeç; dhe L.P., 17 vjeç, të gjithë banues në Bulqizë, pasi gjatë këqyrjes së celularëve të tyre u konstatuan faqe të hapura për ushtrimin e paligjshme të lojërave të fatit”, informoi sot policia.
Në cilësinë e provës materiale u sekuestruan 3 aparate celularë.
Materialet procedurale i kaluan Prokurorisë Dibër, për veprime të mëtejshme.
Komente
Kjo është koruptive dhe bashkëpunim me krimin sepse nuk kapin kokat e krimit por meren me viktimat sepse ata që luajnë të tillë janë.
Përgjigju