Prej tre vitesh qeveria shqiptare jep bonus në para për çdo fëmijë shqiptar që regjistrohet në librat e gjendjes civile.
Politika, që u ndërmor për të stimuluar lindjet brenda vendit, që vitet e fundit kanë rënë ndjeshëm, po deformohet pasi në një masë të madhe po merret nga fëmijët e emigrantëve të lindur jashtë vendit. Kjo praktikë po rrit me shpejtësi shpenzimet në formën e bonusit, teksa shihet që nuk ka ndihmuar në rritjen e lindjeve brenda vendit pasi rënia e treguesit ka vijuar edhe përgjatë viteve kur nisi aplikimi shpërblimit.
Sipas të dhënave zyrtare nga Ministria e Financave në fund të 10 -mujorit 2021 u paguan 2.8 miliardë lekë për bonusin e lindjeve, ndërkohë që i gjithë fondi vjetor ishte 2.2 miliardë lekë. Të dhënat nga financat në treguesit mujor fiskal tregojnë se plani vjetor për bonusin e bebeve u harxhua qysh në muajin gusht.
Sipas të dhënëve të Ministrisë së Shëndetësisë vitin e kaluar e kanë përfituar bonusin 36,188 foshnja, ndërkohë INSTAT raportoi se vetëm 28,075 ishin të lindura brenda vendit. Të dhënat tregojnë se bonusin e kanë përfituar rreth 8 mijë foshnja të lindura jashtë të cilat përbënin mbi 22 për qind të totalit të planifikimeve.
Nisur nga numri i lindjeve vitin e kaluar Ministria e Shëndetësie kishte programuar të shpërndante bonusin për rreth 28 mijë foshnja këtë vit, por ky numër është ezauruar që në muajin gusht.
Duke nisur nga data 26 gusht 2021 bonusi i bebes për fëmijët e lindur jashtë shtetit dhe në strukturat spitalore private shpërndahet pranë Drejtorive Rajonale të Shërbimit Social Shtetëror sipas qarqeve.
Në janar të vitit 2019 qeverisi të aplikojë dhënien e ndihmës së menjëhershme financiare (bonusi) për nënat me foshnja të porsalindura.
Për fëmijën e parë bonusi ishte 40,000 lekë, për fëmijën e dytë e dytë 80,000 lekë dhe fëmijën e tretë 120,000 lekë për lindjen e fëmijës së tretë dhe fëmijëve të tjerë në vijim;
Për nënat që lindin binjakë, masa e përfitimit do të jetë në masën 80 000 (tetëdhjetë mijë) lekë për secilin fëmijë, ndërsa për nënat që lindin trinjakë dhe më shumë, masa e përfitimit do të jetë në masën 120 000 lekë për secilin fëmijë.
Vendimi i qeverisë ka përcaktuar se ndihmën e menjëhershme financiare e përfitojnë edhe nënat shtetase shqiptare për fëmijë të lindur jashtë vendit dhe të regjistruar sipas afateve ligjore të përcaktuara në ligjin për gjendjen civile.
Nëpunësi i gjendjes civile, i atashuar pranë institucioneve të shërbimit spitalor ku kryhet lindja, kryen veprimet e verifikimit on-line të statusit të nënës dhe regjistron fëmijën e lindur në Regjistrin Kombëtar të Gjendjes Civile (RKGjC) të vitit 2010.
Pas regjistrimit kryen verifikimet e nevojshme për përcaktimin e masës së ndihmës së menjëhershme financiare (bonusi)./ Monitor
Komente
Bonusi i femijeve te porsalindur eshte nje shifer simbolike per pjesen derrmuese te ekonomive familjare te shqiptareve qe jetojne dhe punojne jashte vendit. Thuajse te gjithe prinderit e marrin bonusin materialisht gjate pushimeve ne Shqiperi, dhe me gjase 100% e tij shpenzohet po ne Shqiperi. Ndonese simbolik ne vlere (per familjet qe jetojne jashte) prape mbetet nje gjest i bukur (dhe krejt i izoluar) kundrejt emigranteve. Keta jane kontributoret kryesore te investimeve te huaja ne Shqiperi, ketu e 30 vjet. Perbejne grupin kryesor te pushuesve nga jashte vendit qe zgjedhin vit pas viti Shqiperine. Ne teresine e tyre jane sistemi social me i fuqishem dhe me efikas qe ka Shqiperia, (me shume se pensionet, shendetesia apo ndihma sociale, te marra se bashku). Me vajtje-ardhjet e tyre dhe me komunikimin e vazhdueshem, te mundesuar sot me kosto shume te uleta nga aplikacionet dixhitale, kontribuojne fuqishem per emancipimin dhe zhvillimin shoqeror te vendit. Nje pjese e mire e tyre jane ende taksapagues ne Shqiperi, si pronare pronash te paluajtshme, aksionere ne sipermarrje, etj. etj. me rradhe. Per te gjitha sa me lart, eshte turp i Zotit qe nje reviste serioze si Monitori (dhe nje media me ambicie si Shqiptarja) te percjellin kesi lajmesh, ku i jepet ze e trajte mendimeve me te papjekura te kafeneve rreth marrdhenieve shqiptare brenda vendit dhe familjare te tyre jashte!
PërgjigjuJo vetem por shume nga keta femije Deri ne Moshe madhore kane vetem pashaporten Shqiptare. Flasin Shqip pra 100% Shqiptar. Artilull tendencioz. Vet krySurrelsi ne intervista kur do te justifikoj largimet ne mase thote qe ka dhe rikthim emigrantesh dhe vajtje ardhje.