VLORE-Gjykata ka lënë në arrest me burg pa afat dy personat e arrestuar tre ditë më parë me gomone në Karaburun në afërsi të shpellës se Haxhi Alisë. Seanca për Dushan Spahiun dhe Paulin Koçin u zhvillua paraditen e sotme pa praninë e medias në masat e parashikuara nga KLGJ-ja referuar situatës së shkaktuar nga COVID-i. Akuza e përfaqësuar nga Aurel Zarka kërkoi arrest me burg për dy të akuzuarit Dushan Spahiu dhe Paulin Koçi. Mbi ta rëndojnë akuzat e trafikimit të mjeteve motorike dhe ndihmës në kalimin e paligjshëm të kufirit, pasi trafikuan drejt Italisë emigrantë nga Siria.
Në akuzën e prokurorisë ishin bashkëngjitur rrëfimet e 21 sirianëve, mes të cilëve 5 gra dhe 4 fëmijë të cilët kanë bërë njohjen e mjetit të sekuestruar. Sirianët sipas prokurorisë janë pyetur në shtetin fqinj në Itali, pasi u trafikuan nga Vlora në brigjet përtej Adriatikut. Ata kanë pohuar se ka qenë pikërisht kjo gomone që i dërgoi në anën tjetër të detit në brigjet e Brindisit. Personat e arrestuar kanë qenë në përgjim, mjeti dhe vendi ku strehohej ka qenë i lokalizuar në bazë të përgjimeve telefonike. Pasi u njoh me të gjitha provat e prokurorisë, gjyqtari Laurent Fuçia vlerësoi qëndrimin e tyre në burg pa afat.
Dushan Spahiu 43 vjeç dhe Paulin Koci 25 vjeç, të dy nga Vlora dhe të pa skeduar në veprimtari kriminale u kapën nga policia e Vlorës, teksa po lundronin e vjedhur në Greqi. Gjatë marrjes në pyetje Dushan Spahiu dhe Paulin Koçi, kanë treguar në polici se kishin dalë në det për të provuar gomonen dhe nuk kishin asnjë qëllim kriminal, por ata nuk kanë pasur asnjë leje nga kapiteneria e Vlorës për të lundruar. Megjithatë pavarësisht pretendimeve të tyre, prokuroria e ka kopsitur dosjen bazuar te përgjimet, bashkëpunimi me palën italiane dhe dëshmitë e sirianëve që u trafikun me gomone në Brindisi.
Komente
Fundurrina vlonjate
PërgjigjuBajga vlonjate
PërgjigjuFajin e ka Saliu
PërgjigjuE ka plaka jote fain jo saliu