Greqi- Biznesmeni shqiptar Edmond Bega, i cili u la në burg sot nga gjykata e Igumenicës me pretendimin se ishte shpallur në kërkim nga autoritetet italiane për pjesëmarrje në organizatë kriminale, kontrabandë dhe trafikim të drogës (heroinë – kokainë), akuzë për të cilën është dënuar me 21 vite burg nga ky shtet, ka folur pak pas arrestimit.
Burime të Shqiptarja.com bëjnë me dije se biznesmeni ka deklaruar në policinë e Igumenicës se në lidhje me akuzat që e arrestuan ai e kishte kryer dënimin në Shqipëri.
“Është e vërtetë që unë jam Edmond Bega. E kam ndërruar identitetin, por për akuzat që ju më keni ndaluar unë e kam bërë burgun në Shqipëri”, ka deklaruar 48-vjeçari në komisariatin e Igumenicës.
Shqiptarja.com publikoi sot edhe vendimin e Gjykatës së Lartë për Begon, i cili dënohej me 4 vite e 4 muaj burg për dënimin në shtetin italian. Por ndonëse ky vendim iu vu në dispozicion edhe autoriteteve greke, ata e kanë parë të udhës të presin dosjen e tij nga Italia.
Bego që njihet si biznesmen në fushën e ndërtimeve në Shqipëri, u arrestua dy ditë më parë në Greqi ndërsa kthehej nga pushimet në Korfuz. Që nga sot ai do të qëndrojë në burgun e Korfuzit në pritje të kërkesës për ekstradim nga autoritetet italiane.
Sipas ligjeve greke, afati për pritjen e kërkesës nga Italia është 10 ditë. Nëse urdhri i arrestit është në fuqi, atëherë Bego ekstradohet drejt Italisë dhe duhet të përballet me drejtësinë atje.
Nëse ky urdhër ka rënë, Bego lirohet me vendim të kryetari të gjykatës së Apelit në Korfuz dhe kthehet në Shqipëri. Nëse bëhet fjalë për të njëjtin vendim, lirimi ka shumë gjasë të ndodhë për shkak se ai vendim i marrë ndaj tij në Itali është njohur nga gjykata shqiptare.
Komente
po ceshte ky njeri me 5 emra dhe na qenka bisnesmen , oh pika e bisnesit ku ka arritur,,,,,
Përgjigju