TIRANË- Të gjithë gëzojnë sot! 1 qershori është festa e fëmijëve, por një buzëqeshje është "veshur" në fytyrën e të gjithëve, nënave, baballarëve dhe gjyshërve që sot këtë ditë do ua dedikojnë vetëm atyre, duke lënë pas rutinën e përditshme.
Në oborrin e Tearit të Kukullave është organizuar një koncert, të cilin Report Tv me gazetarin Sokol Dema për të përcjellë pak nga atmosfera e bukur që është krijuar e që shukujt i ka munguar për shkak të pandemisë. Të veshur bukur, vajzat me fustane si princesha, kanë kërcyer e kënduar duke dhuruar një spektakël të vërtetë në sheshin 'Skëndërbej'.
Të pyetur nga Report TV, ato kanë rrëfyer se i gëzohen shumë kësaj atmosfere, ku dhe nuk kanë guruar që të bëjnë edhe një urim për të gjithë fëmijët.
Po kënaqesh?
-Po kënaqem.
Çfarë klase je?
-Jam në klasë të katërt
Sa vjeç je, me kë ke ardhur?
-Jam 7 vjec, kam ardhur me teton time
Do bësh një urim për fëmijët?
-Të gjithë fëmijët gëzuar 1 qershorin
Një urim?
-Gëzuar 1 qershorin të gjithë fëmijëve
Cila princeshë je ti?
-Unë jam princeshë Fiona, gëzuar 1 qershorin
Urime nuk kanë nguruar që të bëjnë edhe gjyshet.
"Festë të gëzuar, kalamaj të gëzuar, të kënaqur", tha një prej tyre për mikrofonin e Report Tv.
Kjo festë përkon edhe me ditën kur hynë në fuqi masat e reja anti-COVID, mes tyre edhe qëndrimi pa maska në ambientet e jashtme.
