Receta

Byrek i hapur me perime dhe djathë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

7 Korrik, 11:12| Përditesimi: 7 Korrik, 11:17

  • Share

 Byrek i hapur me perime dhe djathë

Përbërësit:

Për brumin:

1 gotë ujë i vakët

½ gotë qumësht i vakët

½ gotë vaj vegjetal

4 gota miell

1 pako maja e thatë

1 lugë çaji kripë

1 lugë çaji sheqer

 

Për mbushjen:

200 gr thjerrëza

2 qepë të grira imët

2 speca jeshilë

1 spec i kuq

Kripë dhe piper të zi

Djathë kaçkavall

 

Përgatitja:

Përziejmë të gjithë përbërësit e brumit në një tas të madh. E punojmë mirë derisa të bëhet një brumë i butë dhe pak ngjitës në dorë. E lëmë të vijë për rreth 30 minuta mbuluar me pecetë. Ndërkohë përgatisim mbushjen: kaurdisim qepët me specat dhe më pas shtojmë thjerrëzat e paraziera pak minuta. Rregullojmë shijen me kripë e piper dhe e trazojmë mirë. Hapim brumin në një tavë me dorë si një pite e madhe. Bëjmë disa shpime me pirun që të mos fryhet shumë gjatë pjekjes. Vendosim djathë kaçkavall të grirë në skaje dhe palosim anët si kurorë. Shtojmë në qendër mbushjen dhe mbi të hedhim pak djathë kaçkavall. E vendosim të piqet në furrë të parangrohur në 240°C për rreth 35 minuta.

I.M/ReportTv.al
Komento

Komente

  • Sondazhi i ditës:

    Nis aksioni për lirimin e hapësirave publike, si e vlerësoni?