Byrek me 12 lloje barishte
Përbërësit:
1 pako peta
12 tufa mix barishte
(spinq, pazi, lëpjetë, hithra, lulekuqe qumështor majdanoz kopër, bishta qepe bishta preshi bishta hudhre nenexhik)
3 kokrra vezë
200 gr djath të bardhë
pak vaj ulliri
kripë
1 gotë qumësht
Përgatitja:
Lajmë mirë barishtet dhe I grijmë ato me gjatësi 1 cm. I vendosim në një tas dhe pasi të hedhim 1 lugë çaji kripë, fillojmë ti shtypim pak me duar. Më pas shtojmë 2 kokrra vezë, 3 lugë gjelle vaj ulliri thërrmojmë pak djath dhe I trazojmë barishtet së bashku.
Në një tas të vogël trazojmë vezën me vajin e ullirit, me pak kripë dhe me qumësht dhe e lëmë mënjanë për të spërkatur petët.
Lyejmë tepsinë me pak vaj dhe fillojmë shtrojmë petët duke I spërkatur ato në cdo dy petë.Pasi të kemi shtruar gjysmat e petëve përhapim barishtet në të gjtihë sipërfaqen e tavës. vendosim dhe petët e tjera duke I spërkatur me vezë dhe qumësht. E vendosim byrekun në furrë në temperaturën 200 gradë Celsius për 30 minuta. Më pas e nxjerrim nga furra dhe e lëmë të ftohet para se ta shërbejmë.
D.M./ReportTv.al