BYREK ME DJATHË
Përbërësit
500 gr miell
70 gr vaj
1 lugë supe kripë
1 lugë gjelle uthull
270 ml ujë të vakët
300 gr djathë
3 vezë
2 gota qumësht
1 gotë kos
Fara susami
Përgatitja:
Në një tas vendosim miellin, krijojmë një hapësirë në qendër ku shtojmë gradualisht ujin e vakët në të cilin kemi hedhur vajin, kripën dhe uthullën. E punojmë miellin derisa të përftojmë një brumë të butë.
E lemë pak brumin të pushojë dhe më pas e ndajmë në toptha të vegjël për teë hapur petët.
Përziejmë masën e kosit me qumështin, djathin e grirë dhe 2 vezë.
Shtrojmë një pjesë të petëve në tavë, vendosim mbushjen me qumësht dhe vezë, e mbulojmë mbushjen me petë, rregullojmë anësoret dhe në fund e lyejmë byrekun me një vezë të trazuar me pak qumësht.
Bëjmë një prerje të lehtë të byrekut, e spërkasim me fara susami dhe e vendosim në furrë të parangrohur në temperaturën 180 gradë për 35-40 minuta.
