Byrek me dy peta me qepë dhe domate
Përbërësit:
- 300 gr miell
- 150-180 ml ujë i ngrohtë
- 2 lgj vaj ulliri ose luledielli
- 1/2 lugë çaji kripë
- Niseshte ose miell për hapjen e petëve
Për mbushjen:
- 3 qepë të mëdha
- 300 gr domate të grira
- 1 filxhan çaji lëng mishi ose lëng perimesh
- 3-4 lugë gjelle vaj ulliri
- Kripë dhe piper
- Pak majdanoz ose rigon për aromë
Përgatitja:
Në një tas të madh, përziejmë miellin dhe kripën. Shtojmë vajin dhe ujin gradualisht, duke i përzier derisa të formohet një brumë i butë. E punojmë për 5-7 minuta derisa të bëhet elastik dhe i lëmuar. E mbulojmë dhe e lëmë të pushojë për 15-20 minuta. E ndajmë në 2 pjesë të barabarta dhe hapim petë të holla me okllai. Përgatisim mbushjen, në një tigan skuqim qepët në vaj ulliri derisa të zbuten mirë. Shtojmë domatet e grira dhe i përziejmë derisa të avullojë uji i tepërt (rreth 7-8 min). Më pas shtojmë lëngun e mishit, e lëmë edhe 2 minuta dhe rregullojmë shijen me kripë dhe piper. E lëmë mbushjen të ftohet pak përpara mbushjes së byrekut. Lyejmë një tavë të rrumbullakët me pak vaj. Shtrijmë petën e parë në tavë (duhet të dalë pak jashtë buzëve), shtrojmë gjithë mbushjen në mes dhe e mbulojmë me petën e dytë. Palosim buzët anash dhe lyejmë sipërfaqen e byrekut me pak vaj. E vendosim të piqet në furrë të parangrohur në 200°C për 20-25 minuta, derisa të marrë ngjyrë të artë.
Komente
